കൊല്ലം, 19.6.2025: ദേശീയ വായനാദിനത്തോടനുബന്ധിച്ച് ടി കെ എം കോളേജ് ഓഫ് ആർട്സ് ആൻഡ് സയൻസ് ലൈബ്രറിയും ഭാഷാ പഠന വിഭാഗവും സംയുക്തമായി 'ബുക്കോർമ്മ ' സംഘടിപ്പിച്ചു. അധ്യാപകരെയും വിദ്യാർത്ഥികളെയും സ്വാധീനിച്ച പുസ്തകങ്ങളും വായനാനുഭവങ്ങളും പങ്കുവെച്ചു. പുതുതലമുറയുടെ വായനാഭിരുചികളെ കുറിച്ച് ചർച്ച നടന്നു. പ്രിൻസിപ്പൽ ഡോ എം ജെ ഷീബ ഉദ്ഘാടനം ചെയ്തു. ലൈബ്രറിയൻ ഡോ. മുഹമ്മദ് മുസ്തഫ പി എൻ പണിക്കർ അനുസ്മരണം നിർവഹിച്ചു. ഡോ. ഈ നജീം, നിയാസ് എസ് എം , ഹസീന, ദീപ രാമചന്ദ്രൻ, ആർച്ച മുകുന്ദൻ, മിഥുൻ, തമന്ന, അപർണ്ണ, ഹുസ്ന, സൗരവ്, ദിയ കുര്യൻ, അർവ്വ അമീറുദ്ദീൻ, സനം, എലീന തുടങ്ങിയവർ സംസാരിച്ചു.